泥地短途温故知新

猪拉多纳

　　之前马会出咗段通告，泥地曾进行翻土工程，如天气冇大变化，赛道状况会似21/3那期全泥夜宴。虽然唔知呢幾日落雨会有幾大影响，普遍泥地唔慌利後上，係多年来事实，而之前全泥宴当晚，亦好少好少赛驹有本事单凭直路爆到上嚟。

　　嚟紧周一有4场泥地，3场係1200米、1场1800米，假设赛道未必啱追的话，度马就要微调思维。

　　由於有3场泥地短途，今日有空档，不如「温故知新」，睇睇季内有咩摊路留低咗，作为参考。

　　今季32场泥地1200米，最明显睇到嘅係暂时韦达1W都冇，仅获2亚4季（赢两场都係一哩）。但点都比劳爱德好！原来德叔至此仍在此程守斋，今季12匹此程坐骑输晒（跑过1次殿军）。佢两个周一共有5驹跑泥地1200米，有咁嘅数据摆在眼前，睇吓係咪危中有机嘞。

　　讲到马房，告东尼同高伯新两个马房都幾特别，前者在泥地1200米维持到36%入Q率（5冠3亚14负），後者则唔係赢就係输（4冠8负）。

　　大热门胜出率高

　　另外，今季泥地1200米大热门马胜出率算係好高，赢咗15W（另有2亚3季），比率约47%。

　　同时，太冷嘅W未出现过（10倍或以上共10匹），顶到尽係季初24倍嘅「铭记心头」。

马会赛马节目主持 洪礼贤