福到威威转场又惹飞

猪拉多纳

　　睇完隔晚大热门，周某都定番啲，事关有六场係由上仗亚军马担任大热，另外又有两场热喺新胜马度。虽然头场新马赛冇绩跟，但「川河快驹」啲飞多到癫，曾得1.4倍，应该信得过。换言之，得番第六同第九场係乱局，应该爆唔出咩样啩。

　　怪飞马通常喺乱局会明显啲，所以拣咗第九场隻「福到威威」。呢匹徐廐马来港至今出战五次，最热嗰次係10倍，虽然只係得第八名，不过输嘅距离却係五次中最短嘅，睇嚟嗰啲飞数唔多唔少有啲预测性。呢匹马对上三仗赔率又冷番，徘徊喺40至99倍，成绩当然唔多好，但係今次转场又有番飞，曾卖至9倍左右，难得第一次在港跑泥地就有人吼，应该唔似乱放子弹。

　　韦达骑十场热到痹

　　骑师王方面，韦达骑十场，啲马又够恶，当然得1.6倍啦，应该幾稳阵。

周仲