衝刺时刻 吴廐实得

猪拉多纳

　　冇耐之前写完一段閒日稿「季尾争上岸．唔玩捉迷藏」，刚赛真係有成绩下游马房发力，胡森相隔半年次後再次起孖（季内对上一次係25/9），目前以8W上番尾三。究竟嚟紧周日谷草日赛，有冇此类马房大打争气波？睇完各廐报名马，呢期应该继续会有。

　　6个马房未「毕业」

　　未「毕业」马房仍有6个，今期正选最多係苏廐，计有「奇葩」、「真利多」、「胜利大将」、「四贝勒」及「日月霸王」，其馀5个马房正选不出3、4驹。出马多有用咩？有时未必有关係，不过，如果排位後，部分阿Paul嘅马执到好位的话，有权即日「上岸」。

　　暂时最尾係吴定强，6场头马而已，不过，由始至终未担心过此廐会冇「後劲」，兵力唔算强，胜在有分利，所谓：「适当时候做适当事！」剩下3个幾月，要攞7场头马，对吴帅而言未必困难，事关对上两季，佢嘅「後劲」真係幾爆得！前季由4月至歇暑前，交得出10场头马，上季差少少也有9W，反映吴廐在衝刺阶段时，完全唔会hea！

　　今期吴廐出马有限，但唔代表冇冠军相，「喜万家」及「京城精英」，如果有好位帮手，点会冇赢面。

马会赛马节目主持 洪礼贤