军事出击级数高

猪拉多纳

　　第九场一班1200米。「大把在手」近两仗唔上名，大有断缆迹象，之但係，近两仗又唔係完全搵唔到藉口原谅。所以，今仗重回一班谷草场合，话唔定有唔同表现。

　　前仗泥地1200米明显係放快咗，因莫气埋唔到尾；上场输在跑G，有让磅又如何？！级数唔够就唔够。虽然今赛磅重或累事，但对手再唔係「小桥流水」、「甜将」，仲要跑番主场，条件已不同。更重要係连赛事形势可能赚埋（同场唔多马放、内侧冇对手前速比佢快），若果跑啱步速，三甲会有佢份。

　　第十场一班1650米。「军事出击」情况与前驹差唔多，食正转对手嘅实力差距，事关佢由4岁打吡G1，转战谷草一班赛，已经降咗好幾级，而本身在港赢马就係此程，计落有冠军相。事实上，刚仗末段唔係一阻再阻，打吡殿军可能係佢，分数唔係冇得再上。当然，是赛唔係冇对手，如幾匹路程专家中嘅专家，不过，以前景而论，此驹最值得重视。

马会赛马节目主持 洪礼贤