马主论战：电讯新星出头

猪拉多纳

　　电讯新星出头

　　近期「电讯」系马表现回勇，希望可以带旺埋今日第二场隻「电讯新星」，虽然呢隻马在港未上过名，但前仗响田草1400米跑第五都输唔远，依家评分降至新低，转跑谷草话唔定会有惊喜，希望可以拉多场头马。

　　另外锺意尾场「户外名驹」，上场响谷草一哩只係以短头位输畀「靓到爆」得第二，状态已经返咗嚟，今场有唔少快马响度，小心畀佢一条直路扫晒，要吼实。

　　张敬山

　　喜莲标緻添食

　　杜利莱刚啱凭「万醒驹」同「竞技英雄」起孖，搏杀手风好顺，今日吼佢啲坐骑应该冇错。锺意第三场「神奇飞龙」，季内响沙田对住「育成王子」、「纪利威威」等恶马都跑得好，今次转嚟谷草跑佔级数之利，有权扫晒。

　　另外推介尾场方廐马「喜莲标緻」，上场响谷草1800米顺利打开胜门，自购马似乎已经开咗窍，今次缩程跑1650米，一样啱佢发挥，改配杜利莱上阵，有权添食。

　　任达华

　　超群名驹够恶

　　大摩刚啱凭「飞闯」捧走狮威啤酒盃，今日有两场盃赛举行，不妨吼实摩廐马。先讲第八场北京会所盃，「超群名驹」上仗响1600米开斋，末段後劲一啲都唔简单，今次转嚟谷草上阵，搵埋马房近期爱将柏宝操刀，有权再赢。

　　另外第九场锺意「一宝」，近两仗跑谷草短途赛非冠即亚，而且末段都交出好强衝刺力，睇嚟呢匹三岁马确係愈跑愈进步，一於吼实。

　　寇鸿萍、梁廷锵