隔晚有飞乐融融

猪拉多纳

　　直到噚日下昼五点钟左右，大热门分布如下，四场係摩廐马揸旗，两场係何廐马，仲有嗰四场来自不同马房，而摩廐四匹大热门多数集中喺後面场次，可能今期三宝由摩廐包办都未定。

　　大摩咁劲，怪飞马喺冇摩廐马场次搵好啲，结果搵咗头场「乐融融」。话说呢场係四班1000米，呢匹马今季跑咗十场，冇场喺呢个路程，至於上季就跑过两次同程，结果全部做四哥，得个殿军，何解今场曾得7倍呢？话说「乐融融」对上两仗嘅最後赔率分别係14同15倍，最奇係大前仗喺谷草1200米跑第二，前仗喺嗰程再出竟然唔惹飞，结果输咗。今次由上仗嘅泥地赛过番谷草，隔晚又有料到，应该更好先啱数。

　　柏宝骑师王信心票劲

　　骑师王方面，韦达停赛竟然冇构成乱局，事关柏宝撑得住台戏，见到佢得1.9倍，真係咩信心都返嚟，拣佢。

周仲