马主论战：喜劲驹转场出头

猪拉多纳

　　喜劲驹转场出头

　　呢幾日一直都落雨，今晚场地状况唔係太明朗，相信只适合小注怡情。

　　锺意第二场「康乐名驹」，上场只係以头位输畀「超力驹」跑第二，状态已经返咗嚟，今次增跑1800米威力更强，应该可以赢马补中。

　　另外推介第三场「喜劲驹」，近两仗跑田草1400米都有好走势，呢匹O'Reilly子嗣嘅战鬥力绝对唔曳，今晚首次渡江上阵，我睇问题唔大，交出水準可望出头。　

　　张敬山

　　天赋传奇增程掂

　　刚啱普莱西中三元兼封王，赌马最紧要跟红顶白，今晚再捧佢啲坐骑应该冇错。推介第七场「天赋传奇」，大前仗响谷草1200米输少少跑第二，已反映评分有着数，今次增程跑中距离，应该可以交出最强威力，开斋在望。

　　另外锺意尾场「安稳」，近两场响谷草同沙田都跑第四，状态返咗嚟，评分亦仅较季内赢第二W时高1分，今次排外档会有分头，要小心。

　　任达华

　　天鹰减够分反弹

　　吴定强刚战出两驹得一W一Q，睇嚟呢个仓终於开始发力。先推介头场「元豐泰」，早排可以同「都灵一号」串Q，响五班点都有着数，今次用到柏宝操刀必打硬仗。

　　另外第二场「天鹰」都唔可以太睇小，虽然季内六战输晒，但评分亦由季初46分减到依家嘅34分，近两场跑沙田输咗唔使介怀，跑番谷草随时可反弹。

　　寇鸿萍、梁廷锵