1至5档马恶 後上唔着数 C+路直通凯旋门

猪拉多纳

　　今晚赛事在快活谷C+3栏上演，此跑道向来利内档马，跑法上亦对後上马不利，像22/2那期四班一哩头马「雪米糍」，可以凭一条直路从後杀上赢马，的确係少见例子！普遍来说，1至5档马差不多可以话玩晒！事关对上三期C+3栏24场头马，只得5驹排在6档或以外，屈指算一算，买外档马W嘅「死亡率」真係幾高！

　　如果赛事模式突然唔同晒，咁就真係冇得好讲，但若然偏差依然，度马时咪以偏差方式选择，冇理由唔利外档及後上马，自己就场场对着干，要是专拣那两类马，只会令注码「die hard」。拣两场嚟度，要咗第二场四班1650米及第五场四班1200米。

　　先讲第二场，1至3档马分别係「按得掂」、「回乡精神」和「开心驾到」，老实讲，如果唔係有偏差，呢3驹未必睇得上眼，其中两驹冇一哩长力證明，「回乡精神」一时打鞭、一时唔打，有时输近啲、有时冇影，亦唔係信心之选。不过，排晒好档，可能成受惠者也不定。

　　第五场3匹内档马正路好多，为「定做」、「永顺益」及「金德胜」，三驹皆有同程往绩支持，边隻赢都唔奇，如果跑黏地，则「定做」可能高啲。        

Jack