满贯之宝摆「明」惹飞

猪拉多纳

　　嚟到季尾，啲飞数有个奇怪偏向，马迷大多倾向投X未开斋嘅马，例如头场「普渡馗」同第五场「大把世界」。飞真係落足，赢唔赢到，真係要睇造化。

　　至於怪飞马，拣咗同「普渡馗」齐齐跑头场嘅「满贯之宝」，如果讲赛绩，後驹比前驹更弱，因为「普渡馗」今季都叫入过三甲，但「满贯之宝」直到依家，前四名都未入过，或者正因为咁，佢今次嘅赔率跌幅先令周某大开眼界。话说佢在港征战三季，冇一场赔率少过10倍，对上一仗讲紧27倍，结果输六个多马位。今次隔晚竟然热起嚟，得6.5倍W，唔通因为初配蔡明绍？应该係，因为绍仔对上四匹谷草1000米坐骑三匹有奖金，试吓冇坏。

　　博劳爱德谷草封王

　　骑师王方面，韦达同柏宝赔率严重好分，唔多似得，反而劳爱德隔晚赔率偏热，有人睇好佢谷草告别战封王，捧佢。

周仲