多名利轻磅发威

猪拉多纳

　　已经跑到嚟五月，仲有十幾期赛事又唞暑。日子过得快，可能因为有马跑，阿栋喺呢行幾十年，赛马已成为生活一部分，冇马跑，似蚁咬 ！ 而望落今期赛事，好多隔晚热门马幾合眼缘，呢期大赛日，好大机会连场由实力马抬头，睇吓係咪今日马场好「热气」嘞！

　　第四场三级赛2400米。「多名利」近两场表现比预期失望，係咩一回事？实力被高估？未完全适应？抑或被高估了，个人唔会一口咬定，亦唔排除係马重跌咗嘅缘故。总之，今场马重升番，並换人、转场及加程，有晒变身藉口。何况，负磅大幅减轻，对呢匹得一千磅多啲嘅马，会有好大帮助，呢场应该可以睇清楚隻马有幾多料。

　　第七场三班1600米。「红山茶」唞得耐复出，後上跑第四，算係幾本事，当日临场见隻马唔算肥，但肯定称唔上身形标準，所以，再次證明呢匹马的确犀利。今次隔两个礼拜再出，出赛时间回复正常，能力应该翻一番。另外，由1400米转战此程，对发挥仲有帮助，如果唔係赛道冇得追，头马料可手到拿来。

　　第八场三班1200米。「善寳」赢两场1200米姿态轻易，将来前景有幾好？下季进度如何再作定夺，目前知道嘅係三班好超！由於冇转路程，骑师又冇变，少咗两瓣要担心地方。对手方面，望落比起上赛仲水皮咗，因为摆隻「名马」在今场亦可能够赢。只要「善寳」唔係忽然走样，要在此程保持不败，唔会有太大难度。

资深评马人 陈华栋