旗下马评分多有利 吴定强攞W话咁易

猪拉多纳

　　正统咁讲，目前未「毕业」练马师係得番3位，因为计埋二三名的话，霍利时马房一早够数。而现时胡森头马有9场、吴廐8场、华廐7场。

　　论到包尾三人组之内，近期好有兴致郁手係胡廐，久不久有赛驹上名。而後两者方面，梁定华没有多大起色，睇嚟幾难有期望。吴定强则唔同，旗下马多有评分之利，一声令下，赢马话咁易。

　　呢期吴廐出马5驹，「喜万家」啱啱赢完，又要面对四升三班，唔慌有着落？！而「有情风」初次出赛马，手法惯例慢慢嚟；「钱照赢」新接手，点都要花时间摸吓底，呢两匹马唔易交出成绩。

　　头两场有计

　　个人认为，如果今晚吴廐有攻势，应该放在头两场。「京城精英」终在上场上名，在一哩路程有表现，反映近仗增程係合情合理。今次再遇「好好运」，因後驹已加分加磅，未必可再次在末段反先，尤其今场前驹排位好，用埋韦达，随时赚脚程赢番场。

　　讲到「心甜意合」，较早前已曾在谷草跑得接近，及後更跑入三甲，只是近两仗愈跑愈差，赛绩令人却步，惟今仗降班转战此程，唔排除施回马枪，有赔率可考虑。

Jack