幻想家再接再厲

猪拉多纳

上兩次田戰均是大賽日子，各大倉口派出佳駟爭功，雖然安國倫此兩次賽事無功而回，但周六此子坐騎中，不乏近況勇銳分子，其中他對騎慣騎熟的「幻想家」最為睇好，希望可替練馬師徐雨石增添進帳。
       
「幻想家」

「幻想家」近三戰在安國倫胯下爭田草1600米取得兩亞一季，可見人馬合拍，今次原裝配搭捲土重來，安國倫表示坐騎狀態仍勇，有力補中而回。他說︰「『幻想家』一月初因心律不正大敗，其後小休近兩個月復出即勇奪亞軍，表現回復應有水準，之後兩仗仍跑入位置，狀態正處勇境。今次續攻同程，環顧同組快馬不算多，以其前速應不難採取主動，若屆時抽中內檔，形勢更加有利，有望摘冠而回。」
       
幻想家上仗第二騎練都笑晒口，應甚滿意表現。
銀飛龍爭出頭

至於另一匹徐廐馬「銀飛龍」，今次首度由安國倫執韁，季內四戰田草四班1200米取得三次亞軍，今趟再攻同程，出爭施偉賢盃，安國倫認為強手已去，有望打響勝鼓。他說︰「剛戰『銀飛龍』出爭田草千二，遇到如『海鑽石』、『叻先生』等強手，最後只落後頭馬三乘，表現已算合格。賽後安排休息五星期才再出戰，質新馬體力已回復，埋門快試由我一手包辦，狀態未有走樣，今勻對手較上仗弱，有望爭取首場勝仗。」