绰力之城1放绝尘

猪拉多纳

　　星期六跑马，向来赛果都係暴冷暴热，好似4月尾嗰期沙田日赛，廿幾倍W，爆完1隻又1隻，但热起上嚟，十幾廿蚊独赢，一样排住队係咁赢。所以，呢类极端赛果先至令人谂到头都大埋。讲乜都好，阿栋今期总係觉得大摩会有大动作，值得优先留意。

　　第三场三班1200米。「绰力之城」出赛3场，暂时未失过三甲，而四升三班後，跑两场纵遇强敌，名次仍续有进步，上场与「无惧风雨」更加係双双弹开对手。如果3岁马唔係因为拼搏连场，体力不支，以佢实力，排一档又好，一啖气放到冇问题。

　　第九场二班1600米。「军事出击」配韦达，呢对骑练到咗3月，先至开始今季合作，近期两匹热门「多名利」及「一宝」非冠即亚，證明二人一条心。

　　而「军事出击」在港两场跑得好，俱在一哩路程，性能定晒形冇得变，今次转到1600米，当然会好过之前跑长途。隔晚赔率係乏味，胜在有级数而路程啱跑，热食就热食！

　　爱欢笑三班够争

　　第十场三班1400米。「爱欢笑」四班负重磅搏极未能再赢，上三班负重大减，会有幾大帮助，唔跑唔会知！唯一可肯定，呢匹马唔会唔够班，事关上场唔係走蚀位，点会追唔到「卡加大师」，只要人马合拍，发挥到最强威力，未必同「海钻石」冇得鍊。

资深评马人 陈华栋