马主论战:银飞龙换人开斋

猪拉多纳

　　银飞龙换人开斋

　　今日有三匹「电讯」系马上阵，全部都係冷门，我将会同两位亲戚阿冠同阿柱入场打气，希望佢哋可以为马匹带嚟好运。而两位听日就会起程返美国三藩市，祝佢哋一路顺风！

　　其他心水，锺意第二场「银飞龙」，季内先後三度入Q，但始终未赢，今次换安国伦操刀有望开斋。另外推介第五场「各适其适」，连续两场跑第四已试準晒走势，韦达唔放手，係时候打开胜门。

　　张敬山

　　风火飞驹1定掂

　　蔡明绍刚啱凭「大少爷」同「顺利得胜」起孖，搏杀手风好顺，一於再捧佢啲马。推介第六场「风火飞驹」，唞咗超过两个月再上阵，近期做番足操练工夫，跑番赢马路程1600米兼排得一档起步，随时赢得。

　　另外锺意第八场「公平竞技」，埋门试大闸走势唔曳，睇嚟呢匹自购马已经做足晒工夫，外地四战全胜，赛绩唔讲得笑，今场对手唔算好强，有权一出扫晒。

　　任达华

　　绿色好打铁趁热

　　今日我哋隻「镭射枪」有份上阵，呢隻马季内曾经上名，响五班应该有一定战鬥力，今次转李廐初出，抽得一档起步，希望可以有好表现喇！

　　推介第三场「绿色好」，刚周日先至赢咗马，今次隔唔够一星期又出，明显有心打铁趁热，同场对手唔算好强，要再赢冇难度。另外锺意第九场「风雲武士」，上仗终於重开胜门，四岁马似乎重踏正轨，升上二班作赛唔会有阻力，再捧。

　　寇鸿萍、梁廷锵

jinketan

哈 谢谢啦 ！谢谢分享

jinketan

问世间情为何物？佛曰：“废物。”

支持你加分