高分贝欢乐宝宝文武精神勇钢 威猛火热动感阿哥精神自由万岁

猪拉多纳

　　今日田草10场赛事，以B+2栏上演，排中内档及守好位跑法赛驹，通常有利争胜，至於，场地模式会否受到天雨影响，则要临场再度。

　　韦达今日手上多大热门坐骑，而柏威廉亦多实力马，此两位骑师料会是今日主角。

　　「威猛」如果唔係排档唔好令早段走三叠，以及被迫早发力，上赛未必冇Q，虽然，今场7档亦未必好，但可寄望步速唔快，早段泊得靓位，以牠的实力，三班应够赢。

　　「火热动感」休後跑3场，算係愈跑愈见影，如非等待落班至郁手，置身此赛已有危险性。「纪利威威」经过上赛後，暂时再无期望。

　　「自由万岁」此程未必应付不到，而刚赛大败全因意外多，之前能赢「芙蓉威龙」、「高一线」，三班甚有地位。

　　「好唛」跟啱位，但上场末段冇变速，马房惯性冇打叠好？真係唔多清楚，不过，一再追住「育成王子」过终点，级数已有證明。「阿哥精神」近两仗已感失望，惟今仗换人，稍为搵到藉口再畀机会。

　　「福誉」四班长期捱打，现阶段注定五班搵食，终於跑番合适路程，配备也有变动，可跟一场。「大东海」转马房初出完全冇走势，唯一藉口係赛事早段跳影後曾乱晒步韵，如以之前五班跑入前列表现，冇理由唔够争。

　　「怡情养胜」连番意外令上场直路衝得唔顺，按理此程比1400米更合脚法。「盈嘉飞驹」肯放，在今场已经係一大卖点。「龙船快」跌磅多，有隐忧。

　　「银飞龙」担心跑法在今场蚀章，好大可能会出现追唔切镜头。「神圣驹」在此班实力中下级，遇到一组极普通对手，稍有赢面。

　　「仁心仁術」唔係遇弱旅，又係唔会拣得上手，希望之前三班跑入四五名水準，在今场会够用。「确威星」和「特别熊」，有本钱在早段抢放，捱唔捱得到，则视乎场地偏差有幾大，冷可敲。

　　「善寳」及「绰力之城」，同样唔会係三班留得住，若单以跑法而论，後驹或会佔先机。

　　「绿色好」隔纱赛绩，今场好坏难料，计死数，只加1磅，仍有着数。「金堡龙华」体重跌係好事，有充足日子重新调节，缩程冇问题。「威利猛男」时长时短，一时又走去放头，冇连贯性，只宜观望。

　　「感恩」比较起再之前那场1400米，上赛同样处外叠（前中段仲慢啲），沿路韁口及跑姿的确顺畅唔少，係配件又好，係成熟又好，睇到有进步，落班够用。

　　「豐彩人生」和「好辣椒」，一对马有速度摆前走，赚点形势。「英雄得胜」一再气管多血，亦偶有慢闸及内闪问题，唔係1档，根本唔会考虑。「快意」操练曾疏落，未知影响多大，但续跑田草及加罩係好事。「齐鼓掌」如有步速留得顺，段後劲唔简单。

　　「各适其适」输在走大外叠及兜大弯，令上赛梗颈四，纯粹睇走势，明显比初出时跟得住步速，确认增程方向啱，希望今场3档令其守到好位，会有唔同发挥。

　　「风雲」上场末段三番四次冇位，不过，进度始终不大，不易出头。「气定神閒」置身今组略低水平四班赛，已具争胜条件。如再拣已要考虑连搏幾场的老马「信赖」，以及上场跑完曾伤脚的「飞马之威」。

　　「高分贝」如今场早段段速正常偏快，佢後上跑法会冇咁蚀，向来係班内此程一线马，重磅仍恶。

　　「文武精神」上仗前操练唔完善，是赛明显有唔同，能力将会升级。「欢乐宝宝」五升四班一样赢得易，加5分，唔会影响幾多，係视乎体力。「勇钢」及「蜚声国际」，赛事形势有得追的话，呢对马便有发挥机会，至於实力则未算證明太多。

　　「超级精神」大前仗在65分四班赛跑第五名，输完两场三班後，落在今场水準平凡组别，应该绰绰有馀。

　　「喜发龙」谷草唔啱，令上赛成绩大倒退，输完顺势唞唞，叉足体力返田草，以之前入Q级数，有赢面。「幸运勇士」又係要博有冇两剂。「叻叻财星」未必够赢，跑法却在今场啱夹，跑短200米亦会帮到。「多利皇」负磅唔同，比前具竞争力，但7档要睇早段处理如何。

　　「经典皇牌」早前赢短途谷闸轻易，又隔个多月储体力，目标或放在今场，可惜，超级马向来飘忽，稍欠信心。

　　「军事出击」赢级数、「傲男」赚形势，正路之选。「精算纵横」跑落分数好似差唔多，限争P。「风雲武士」升班再战，冇上赛对佢咁好信心。「千江映月」如地慢机会打折扣；反而「劲高手」场地及段速唔快，随时由头赚到尾。

　　「好心思」上场塞车咎由自取！不过，上场加配件係改善到难稳定问题，究竟加程对能力有幾大提升，建议睇埋今场。

　　「海钻石」及「万醒驹」，近绩出色，必要考虑。「贺喜」常接近，却追劲非太强。「多多利」初出走规唔好，又蚀住追，仍差啲有P，值得跟进。「爱欢笑」阵上愈来愈听话，升班唔怕。

马会赛马节目主持 洪礼贤