开心指数继续赢

猪拉多纳

　　第六场三班1650米。「金狮猛将」现时分数贴近前季第二捷时水平，马到中年或退化，惟评分已感「落後」，加上，刚仗在略为嫌长1800米甚有走势，肯缩回一哩，手法理性又实际。

　　上赛因应外档改变了惯常跑法，出闸後即抢前，沿路二叠望空与对手拍住放，虽然，段速唔算快，要知道，此马最佳跑法係守中间位置和有遮挡，所以，隻马不利形势下，捱到最後幾十米先至冇P，真係唔容易。今仗排9档，除非早段际遇太差，如果唔係，因应是赛步速唔快，出闸後稍为努力，要泊到靓位唔係冇可能（又或跟前拖慢跟），缩程料有进步。

　　第七场三班1200米。「开心指数」次次出赛冇欺场，尤其泥地更加未输过，已经累积4W。由於目前未脱离三班範围，就算在85分上限场合，论往绩、路程性能和级数，唔见得有边匹特别叻，较为有睇头已数到季内曾胜三班此程「天赐福星」，按理「开心指数」足以再捷。