万人迷翡翠明星齐歌唱白鹿劲

猪拉多纳

　　今夜全泥赛事，根据之前两期同类型赛事，若场地指数高於9.7，普遍利於後上马，如指数低过9.4，前中置马便有优势。不过，场地状况如何？除了指数属重要一环，头三两场模式当然要参考。而是晚赛事，潘顿及马伟昌坐骑，唔少拣得上手，二人今赛成绩应该唔会曳得去边。

　　「太阳海岸」一再克服不利档位、赛事环境，跑3场同程未甩过三甲，建立了实净近绩，又唔係冇足够日子叉电，唔係顶磅拖垮，必入前列。

　　「巴其利」除非今晚赛道模式利放，若不，唔容易反先前驹。「绿色宝」排在外档，早段幾难轻鬆泊好位，冇咗上赛形势，成绩或会退步。

　　「飞跃之驹」草地赛可力迫「芙蓉之宝」而赢「海钻石」，返回此程理应更强。「逸逸友福」转配件及缩程，令上赛成绩大跃进，如7档唔係跑得蚀过刚仗，具上名资格。「旺綵」太细隻，且韧性不强，除非泥地识飞，唔係幾难有P。

　　「八飞」五班赢完冇再拣过，因四班太大压力，但上赛初跑泥地且增程，一样识追，缩回一哩、档好及降班，具冠军相。

　　「日月霸王」此程为最佳出路，5档较易置前，跑回赢「兄弟齐心」水準，有望出头。「精算拍档」外档有危机，好在今场快马少，早段肯努力，随时可独骑自领，以佢级数及性能，或可带到。「快马当先」情况与前驹相近。「冰火」12档要睇骑师点演绎？！留得好，有权追得接近。

　　「万人迷」一再强调在班内此程极恶，唔係冇步速，或完全不利追，必入三甲。「齐歌唱」跑完工夫刻意放缓，近仗赛後少见类似安排，好坏难料，纯以刚赛表现，则要高度重视。

　　「月光宝盒」上场早段慢放，直路任人过，但除眼罩後的确冇之前咁急咁乱，只要今场交得出相近表现，如早段唔快，或可捱得一席。「翡翠明星」大件、跑法主动，除非又无故留後，肯抢的话，沿栏顺放，初跑泥地一样掂。「白鹿劲」试过晒一哩及1400米，又试好了跑法，选择缩程和转场，係咪真係有分利，建议睇埋今场。

　　「都灵一号」近绩靓，集中火力跑此程後，评分似有上升潜力，就算重磅稍为跑低少少，在今场够用。

　　「千军万马」和「欢欣星」同程曾拍住返嚟，实力差唔多，如计跑法，前驹可能略佔利。「荃城欢欣」及「温暖先锋」情况相近，曾有走势，但无以为继，暂难再期望，争位居多。

　　「玩具神话」上赛谷草一哩步速快一样唔断，已具跟进价值。而转泥地赛排好档较易跟前，希望跑得出上季尾入Q时表现，便有胜望。

　　「驾世仔」唔明上场在同程跑得唔好原因，而赛前也曾伤脚，尊重其季初入Q赛绩，勉强拣选。「伟龙」唔係抢口，上场唔会在中段早发力及蚀位，严格讲，直路曾经有衝势，希望今场多马放，令其留得顺畅，直路便有威胁力。「金瑞」始终有稳健一面，正路脚。「胜利多」如非再赚步速，唔易再入围。

　　「金狮猛将」转跑法出战1800米，末段仍然好好势，刚仗表现胜预期，按理回到正宗一哩，唔係9档，赢面更高。

　　「非常好」分利，对手亦算係近仗跑泥地遇到较水皮一群，有权上名。「穿针引线」转马房後再跑强项泥地赛係咪重生？！今场会揭盅。「开心欢乐」三班下风，唯独今场可能得佢放，如步速控制好，或放入一席。「天瞳」与「劲力」遇到前中段拖慢形势，不易发挥所长。

　　「开心指数」重磅有幾大影响？未跑难计算，9档则预咗二叠，希望环境不致恶劣，秤能力，三甲稳。

　　「喜惑」连仗有藉口解释表现平平，若以季中一班泥地一哩走势推算，转到此程可能试出彩虹。「易搏赢」及「幸福红椒」纯粹班次着数，先会考虑。「天赐福星」操练及健康存疑，只宜作三重彩脚。

　　「爱跑得」只要跑得出之前同程入P水平（当时骑师直路骑法唔多配合），唔係冇资格胜出。「电光能源」及「飞闯」，级数及路程性能，均比唔少对手劲，重跑老本行，应该够恶。「花月佳期」有分量，但要博泥地得唔得（2月曾试泥闸，轻鬆後上第二）。「猎豹小子」泥地太强，11档及升班，有可能唔会影响到。

　　马会赛马节目主持 洪礼贤