马主论战：电讯高星磅轻恶

猪拉多纳

　　电讯高星磅轻恶

　　今日我哋隻「电讯高星」有份上阵，虽然前仗佢只係赢五班赛，但响四班孭轻磅唔一定冇得争，跑2200米亦一定够气量，冷冷哋可以谂吓。

　　另外锺意第三场「威力宝」，上仗初出输畀另一匹质新老虎「信心十足」无话可说，但睇佢轻描淡写之下仍可跑赢「神圣驹」入Q，质素亦绝对唔简单。今次同场已冇其他恶马，质新马热身一仗後表现亦肯定更好，应可赢马补中。

　　张敬山

　　柏威廉鬥志实在好

　　柏威廉刚战终於开斋，呢位骑师响阵上好搏命，今日骑九驹上阵，随时又有头马见面。锺意第二场「实在好」，今季已经跑咗六次第三，但评分仍与季初时一样得22分，今次继续搵柏威廉操刀，希望凭其硬净骑功帮手赢番一仗。

　　另外推介第六场「健康精英」，前仗响直路赛轻取「电子福星」同「金湶」，後驹之後已补中，赛事水準唔曳，今次升班作赛唔会输蚀，要吼实。

　　任达华

　　必胜熊转场再赢

　　贺贤刚战凭「齐歌唱」同「欢欣星」起孖，手风转顺，我睇好佢今日有马赢。推介第三场「必胜熊」，上场虽然只係赢遗材赛，但末段衝上嚟个势真係好劲，三岁马愈跑愈进步，转跑沙田应该更啱衝，有权再赢。

　　另外锺意第四场「俊威威」，今季七战取得三亚两季，上名率好高，未能赢马只係差啲运气。计马响四班点都有着数，今次跑大长途抽到一档起步，有权赢番一仗。

　　寇鸿萍、梁廷锵