阿哥精神練騎齊齊睇

猪拉多纳

前往澳洲出席神奇百萬拍賣會的鄭俊偉，前晚返港隨即入場督師，雖然連場撲空，惟練者敬業精神的確可嘉。昨晨此位華籍倉主五時正已到場督操，全面為明午有程馬打點，顯然心存大欲。
       
好主意（遠鏡）、阿哥精神（近鏡）

六時半，鄭俊偉專誠走到烽火台外，倚欄睇列陣明日第六場的「阿哥精神」操練。馬兒由杜利萊親試，與同樣有份參戰的廐侶「好主意」拍跳千二米，兩駒互不相讓，練者睇到格外入神，課罷人馬返抵機坪後，阿萊偕同練者一齊仄視助手替「阿哥精神」騎返馬房神態，之後二人密斟一輪始散會，動態唔簡單。