香槟岁月追多铺

猪拉多纳

　　师父有教，跑泥地夜赛向来形势险峻，中场W已经唔容易，更遑论QT，奉劝各位今晚真係要醒醒定定做人，唔好夹硬嚟，冇心水不如作壁上观，就算有马想赌，都係缩注为上策，明明赌注係五旧水做单位，至少要减至三两百！免得自招损失。

　　　　第六场三班1200米。「爱宝驹」上次初出即在此程赢马，赢得相当轻鬆，以第三名「绿色宝」作为指标最好，事关该驹向来在三班此程有分量，结果完全埋唔到身，證明前驹实力雄厚。胜後被加7分真係唔多，加多6磅留在原班跑，睇唔到有甚麽压力可言，只要唔係突然演出水準大跌，以佢上场姿态，连捷机会甚大。

　　第七场三班1650米。「香槟岁月」今季上阵两回，表现普普通通，睇临场唔係冇状态，前仗如是，上场观感一样唔差，可能隻马未跑够。今仗转到泥地一试，未知胜任与否，不过，配件有唔同会係变数，二来，马伟昌係都唔放手，应该有见地。呢场如果都跑唔好，先至决定放弃。

　　傲男1650米醒

　　第八场二班1650米。「傲男」上季成绩甚佳，尤其在此程两战得1W1P，场地性能之佳可想而知。今季準备工夫做得足，初出唔似热身格，而同场各驹实力，好多唔啱路程，或者唔多够班，真正对佢有威胁者不多，睇埋阿蔡今晚那批马的实力，呢隻应该会配合出击。