连季首次全泥夜宴有W 徐雨石马房信得过

猪拉多纳

　　泥地夜赛向来幾棘手，买放头马又唔係，後追马又惊追唔切，而且，经常爆到乱晒大笼，总之，赛前以为谂得好透彻，但与赛果可能与预期相差十万九千里！呢一夜大家要醒醒定定。

　　翻看对上两季首次全泥夜宴，真係冷W比比皆是，冷到出汁一样爆得出，前季「好玩」以70倍大冷门身份赢马，同晚仲有「玉峡生辉」、「好好彩」及「威威财星」，独赢全部过百。相比之下，上季爆少咗，整晚只得3匹头马係冷W，但好多场Q都好好分，超过4千蚊大冷Q「铭记心头」搭「逸逸友福」一样跑出，总之，唔见得容易中。

　　与其唔知从何入手，不如买人好过，徐雨石之前两季首次全泥夜宴均有马赢，兼且两匹头马「龙城动力」和「万能驹」同样係热门身份，反映石哥唔係盲桩桩咁博大雾。

　　第一场「乐融融」及第三场「天光明」，分别出战一哩及1200米，前驹上场初跑该程快放入Q幾出色，而後驹此程曾以短距离见负，唔係冇实力，呢一对马如票数对办，大可信任。Jack