桂花飘香分着数

猪拉多纳

　　今日赛事有幾个马房兵力强，如方、叶、徐及文廐，佢哋唔少出赛马有冠军相，至於阿栋比较喜欢方仔啲马，望落去係得三两匹冇机会，其他隻隻似层层，睇嚟今日佢有大举出击之势。当然，部分赔率如果太热的话，千祈唔好焗赌，忍一时，风平浪静嘛。

　　第一场五班1000米。「雄姿俪影」上场走去放头，边有可能捱得到终点，所以，入到直路脚仔软，完全唔意外，何况，田草1200米向来唔掂，跑极唔上名，刚败不足为据。呢场返回谷草，此程係冇1200米咁好，但就係咁至会博到赔率，若然，今场因应早段快，令後上马获益，呢匹马咁好後劲，一定好啱佢发挥。

　　第四场五班1650米。「桂花飘香」上季幾乎发晒霉，唔知发生咩事，跑十幾场得一席季军，冇理由5岁退化速度快得咁紧要，唯一解释係前季两捷後要回气。

　　由於「桂花飘香」上季多跑无功，目前分数已低无可低，方仔接手後，首场已好有走势，相信今场再跑，成绩可会更上一层楼。

　　第六场四班1650米。「日日发」今季跑过两场，名次愈来愈好，前仗衝势明显冇上场咁好，證明热身之後，的确获益良多。事实上，上季又係跑到第三回合赢马，呢场可能係黄金时机。何况，今场对手仲比上仗差多少，而本身负磅又少啲，夹夹埋埋令胜望提高。

　　点买法

　　「桂花飘香」係全日最佳心水，一於博单W。如果想博冷门，则可以考虑头场「雄姿俪影」。至於重心QT场合摆埋第四场，§做胆，脚拖幾匹班利马如;=&+。