清新空气换人惹飞

猪拉多纳

　　今次日赛喺谷草举行，依稀记得呢日成日有啲怪事发生，唔係边位骑师连战连胜，就係有啲生面口马跑冠军咁，所以追热门嘅朋友真係要小心小心。隔晚睇飞数，除咗尾场大热门「铁胆龙」今季赢过马之外，其他季内都未获胜，点算？都係拣冷马啦。

　　怪飞马拣第八场「清新空气」，噚晚，呢场得五匹马独赢赔率喺10倍以下，周某未睇飞前，估都估唔到「清新空气」係其中一匹，因为佢今季三仗，赔率徘徊喺13至62倍，而上仗冇人睇起，开闸之时有62倍，结果真係输十二个多马位返嚟，实在难以想像，今次隔晚W曾得7倍，唔通因为潘顿肯骑？睇嚟都係，换人既然有咁大吸引力，点可以唔信？

　　骑师王方面，韦达成为热门，有2.3倍，其实佢今次啲马唔算强，相反，手执「铁胆龙」、「锦衣卫」嘅潘顿好似稳阵啲，拣佢。周仲