阳光普照二班够争

猪拉多纳

　　第九场三班1400米。韦达同场三拣一，「友莹果」唔知係咪弃骑？但又唔觉「智高星」特别出众，仲要喺不利追嘅田草C+3栏，计落都係前驹秤先。

　　「友莹果」未跑上场之前，两场1400米表现唔算叻（其中一场跑至流鼻血），上名一役係赚晒而攞到个被抛甩嘅第三名，相比之下，上场虽然同样係前置赚慢步速，末段贯注力明显比前强韧，幾乎鬥垮「光宗耀祖」，而跑赢「贺喜」、「喜惑」，攞住上仗水準放在此赛，真係够用有凸！

　　第十场二班1800米。「阳光普照」初上二班，係时候考验实力及进度，如果根据上季赛绩，又唔会完全冇得跑，咪理当时步速快或慢，总之，三班田草1600米赢过「驌龙」、「夺金」，今场只负112磅，仲要排好位且跑法主动，条件夹夹埋埋，足以争三甲。

　　上赛前已指出，初出输在临场大量冒汗，上场行圈情绪冇问题，即刻赢番，而该场唔係步速慢，头三段扯得快，返到直路依然好气好力，姿态唔觉辛苦，如非唔胜任此程，必具十足竞争力。