中国天使对手弱

猪拉多纳

　　今日十场田草赛事在C+3栏上演，跑道窄，难追成定局，唔好旨意对後上马有利，一场半场可能会有，但整体而言，通常係走得快、好世界，所以，要拣後上马，奉劝各位，除了顾及赛事形势之外，本身隻马係咪拥有强横後劲，绝对係首要考虑因素。

　　第一场四班1200米。「中国天使」一如上述开场白，就係拥有超强後劲一族，上场拉士造出22秒正，从外栏杀上镜头历历在目。呢匹马今季跑两场，的确係愈来愈进步，可能与临场情绪好转有关，亦唔排除係经过多一仗适应，终於交出本身水準。无论係甚麽成因，总之，今场再跑1200米，对手尔尔，有力打开胜门。

　　得男加程无坏

　　第六场三班1800米。不得不讚讚伍碧权，训练「得男」有板有眼，跨季3场得1W2Q，唔係容易，事实上，刚仗季内初出，只係输少少返嚟，唔係未经热身的话，末段可能已经衝赢「百事神驹」。开气後加程一试，肯定有好无坏，有望补中。

　　第十场二班1800米。「同个世界」今季跑两场成绩普普通通，唔输得远，但亦唔上名，呢类马最棘手，真係唔知佢边场係真波？

　　不过，今次「同个世界」降入二班，忽然换上巫斯义，配搭新鲜，大摩可能博人唔信，加上，睇埋隔晚飞数，企硬4个开，赔率比预期低水，或有料到。

        点卖法

    「中国天使」係全日最喜欢独赢对象，不过赔率热梗，不如射多隻準开「得男」。至於重心场次放在头场，好似幾简单，买Q+拖;§算嘞，T至兼顾()。