超新鲜缩程惹飞

猪拉多纳

　　呢个赛日嘅十场赛事，戏码明显弱过上个星期日，不过总算有好幾匹质新明星马上阵，睇吓佢哋有幾多前景都好。

　　怪飞马拣咗第八场「超新鲜」，自从佢今季转咗去姚本辉马房之後，最後赔率明显一次比一次热，以前喺高伯新马房嗰时，佢三仗最热嗰次都有30倍，其馀两仗仲要係99倍冷门。今季转仓後，第一仗已经有隔晚飞，最後更卖至20倍，结果喺谷草1000米一放抡元。

　　但奇怪嘅係，赢完马之後，转跑田草1200米，公众反应唔算太大，最後赔率仲有15倍，果然输番六个多马位。然而今次摆明唔同，缩程跑直路赛又惹番飞，隔晚得6.2倍，直迫大热门「龟兔竞跑」，睇嚟唔嘢小，最好信佢。

　　骑师王方面，柏宝隔晚曾手执四匹大热门，得3.25倍好正常，睇嚟今次应该有马赢啦。周仲