贺廐马易配冇影响 东成西就夺金照砌

猪拉多纳

　　柏宝刚刚在澳洲赢完墨尔本盃，係佢咁大个仔第一次，由於要出席当地庆祝活动，呢期申请唔跑，亦都係人之常情。不过，香港呢边又点？佢今夜有好多马骑，原本由头场骑到落尾，冇咗佢，坐骑全数要换人，有冇影响？跑完至知，不过，部分马配上好手，未必打乱部署。

　　原本今晚最撑柏宝係贺贤，有4驹畀佢跑，依家「东成西就」转配潘顿、「绿茵飞」马伟昌、「夺金」薛宝力及「欢呼星」马伟昌，全部係由好手压阵，应该唔会有不良影响。

　　心水一冷一热

　　比较啱心水係第三场「东成西就」及第七场「夺金」，一冷一热。前驹今季初出，跑1000米，睇準备手法，做得妥妥当当，看来矛头对準呢场而来，加埋眼罩嚟跑，如果跑出比上季同程入围时略好，唔係冇得赢。

　　至於跑一哩嘅「夺金」，今季初出一役即想劏人，奈何受制当时形势，排外档起步不得不缩後跑，可惜直路曾被阻碍，才会後追不及，最後只跑第三。今仗排一档，比上仗十一档好得多，跑法唔使投鼠忌器，可以摆前走，将会得到更好发挥。虽然呢隻马离不开热门身份，胜在跑法有利而且当起，唔係低过3倍，仍可捧W。        Jack