爱宝驹猎豹小子太阳海岸银子弹

猪拉多纳

　　上月全泥夜赛，战果唔算「触目惊心」，比起以前爆到七彩，已经「收敛」好多好多。而当晚场地读数係10.1，如果今次指数近似，前置及守靓位跑法之马，依然要高度重视。　

　　「爱宝驹」初出首次角逐泥地，在同程赢到冇对手埋到身，再出输在人与马发挥唔好，而上赛转场仍有P，正好反映目前仍在状态。由於今仗排外档，免却前仗内栏跑错危机，再者，今场唔多快马，若然畀佢早段靠大步跟到前列，沿路走得顺，直路唔易反先。「猎豹小子」刚赛不利跑线兼直路赛，末段衝势唔係冇，表现极佳，降班、好档及回到强项，有资格争前列。「太阳海岸」三班此程属一线马，惜评分摸顶，争P居多。「万人迷」三班最多係四五名，四连环脚才拖。「银子弹」及「都灵一号」乃最佳冷门。

　　幾乱又冇重心场合；「合利高」曾在此程大胜，今场唔係外档，本来四平八稳，唯今望早段能切入二叠，可能仲会蚀得起。

　　「长胜」回到五班此程，机会比草地赛唔同晒。「厉行星」大闸表现不太理想。「有心有力」準备十足，晨课常有悦目感，今季係成长咗，休出可敲。

　　「英雄得胜」外档唔易应付，表现好坏视乎际遇。「博利好」大闸走势讨好，唞够跑短，部署实际。

　　　　

　　「乡村活力」能够初跑泥地拍住「时时攞彩」、「颂友」过终点，那个第三名水準幾高，搵啱出路再跑，如非不利追，应赢。

　　「神童」及「劲啲啲」，基本上再冇藉口去追。「荃城欢欣」12档如肯缩埋唧一段，效果或更佳。「兄弟齐心」跑到上赛水準，足够入围。「香港至尊」9月缺课後工夫得以重整，而试大闸及单试观感愈来愈好，初出唔可以睇小。「雄姿俪影」五升四班，兼向来冇两剂，难靠。「荣进蜜运」106磅太轻，如把心一横摆番前走，随时带到。

　　　　

　　「千军万马」难赢，但四班此程长期跑入前四名，唔拣似有违数据。「四喜满堂」经常试泥闸有前有後，好位又易跑，转场或令成绩提升。

　　「拼劲」9档如大半程被顶在二三叠，势危。「五星酒店」9月曾缺课，但早前泥闸轻鬆得有点过分，咪介意名次太後！小心。「劲飞驰」唞完进度未起番。「名城」及「上海先锋」边线脚。

　　　　

　　「傲闯」长期成热，长期最叻得二二三三，又被热捧，博W不宜。

　　「文武精神」上赛前摆明赶工夫，如果阵上唔係走错位（出弯後一段），应该有奖金，但表现已超出所想，热身後再跑，係时候到位。

　　「胜风」已指出如临场情绪好转，便要留意，结果上赛跑P，已尽所能，呢次加程而换小将，评级维持中性。「勇先生」近两场展示出比前略高能力，看来泥地有两道散手。

　　「不老英雄」与「金狮猛将」，唔似赢得，入位则唔奇。

　　　

　　「绿色宝」中磅在三班跑此程，唔会有幾多原班马够挥，胆材。

　　「健康精英」初出表现优於预期，早课似乎识得扮傻？！冇理由操得跑得，今场会走样。

　　「百战百胜」睇脚法及外观，插68分应该虚分多（试闸亦愈见理想），问题係初出跑泥嘅动机？！

　　「金湶」与「利李之星」，前驹分数渐尽，转场博仲有得上，後驹博减分多，总有一日反弹。

　　　

　　「威利猛男」赚步速得以在上场入围，却不得不承认转场带来生机，按理加程应该冇问题。「非常好」热完身改跑此程，其实仲啱，唔係冇胃口，唔会有对手。「欧洲骏马」此程略为勉强。「进取」情况差唔多。

　　「香槟岁月」刚仗发挥唔算称职，一样追得好，初跑泥地成绩收货，希望今场好档帮手悭到位，应付到1800米。「健康蓝莓」赛前準备唔多对路。「中华宝宝」泥地神马，唔敢删。

　　

　　「顺利得胜」上仗改跑泥地一放到底，赢到收韁，姿态誇张，大有「开心指数」影子，有望继续上。

　　「好友福」讲过好多次，目前係得1200米有把握争，而本身泥地性能冇问题。「恩格斯」及「善寳」俱初跑泥地，得唔得要博。「利钱伯爵」纳於边线。「名驹」未改到把口，仍难突破。「大把在手」近况未有起色，係跑班底及场地性能。