踏入11月合作成功率高 韦达蔡约翰再演好戏

猪拉多纳

　　今季骑练合作新例之下，促成了一个现象，部分组合成绩一係好得，一係失灵，就以方嘉柏和柏宝二人为例，好多时合作马表现极端，唔係输就係赢（4冠1亚12负）；又如潘顿搭叶楚航，长期保持高度上名率，不过，讲到最坚依然係蔡约翰与韦达。

　　蔡约翰与韦达呢对冠军组合，目前合作约60次累积14冠12亚5季，合作马上名率过半，唔係成日有好表现，边可以到咁高上名率。

　　而在踏入11月後，蔡约翰与韦达好似食火药！经常发动攻势，呢个月18匹合作马，竟然赢了6匹，另有4驹跑入二三名，胜出率高得紧要，试问又点可以唔睇佢台戏。

　　今晚唔使左估右估，因为蔡韦配只得两匹合作马，第七场「首饰孖宝」及尾场「尊胜福星」，唔会晒子弹，一於买条独赢过关，简简单单。

　　首饰孖宝略进够赢

　　讲到实力，「首饰孖宝」季内首仗跑一哩入Q，初跑谷草已经咁叻，跑完稍为进步，够赢。「尊胜福星」成隻大饭，跑完又跑，差唔多热够身，呢场排4档，好过之前两场九档起步好多，希望唔使好似上场早段咁用力，随时一放到底。       Jack