薛寶力逢騎師賽成日攞彩

猪拉多纳

明晚舉行國際騎師錦標賽，現任公司騎師薛寶力曾代表奧地利參與這項盛事，更兩度勇奪亞軍。今年雖然無份角逐，騎者近日晨課仍相當積極，每每到場例必搵呂健威咬耳仔，明晚騎練有「成日攞彩」合作，薛寶力擺出三顧草廬態度索騎，恨攞彩之心甚明顯。
       
成日攞彩

昨晨耙地時段見騎者照例到烽火台搵威哥密斟，十五分鐘後即見阿力策「成日攞彩」往大圈快試八百米，威哥舉鏡睇完馬兼記低秒錶時間，便立即電召薛寶力速速前來匯報，對此匹初出馬零舍心急，練騎之後不厭其煩再傾近十分鐘，動態認真唔簡單。