旅遊名牌阿航拗腰睇

猪拉多纳

剛戰贏馬兼食馬房Ｑ的葉楚航，昨晨未夠五點已經坐鎮烽火台食胡位督操，擺明要乘勝追擊。明晚谷戰葉廐出馬六匹，當中列陣第三場的「旅遊名牌」再度挑戰谷草大長途2200米，配搭上雖然可用吳嘉晉減磅，惟航哥依然繼續起用贏馬拍檔潘頓操刀，誓要再顯示馬匹長途能耐。
       
旅遊名牌

昨晨五時一刻，「旅遊名牌」由助手策至大圈八百米段柱預備起步之際，見航哥馬上雙手揸住望遠鏡吼實是課快試，而人馬操罷掉頭換腳的細微動作，練者轉身拗晒腰都要再舉鏡睇埋，緊張之情可見一斑。此駒今次於第三場再遇「安賞」，受讓十磅絕對有力反先。