吼郭能冷馬好過熱門

猪拉多纳

　　冷人騎熱馬，從古至今，都係凍過水？世事冇絕對嗎？可能係，除非唔係！調轉講，等於熱門騎師韋達和潘頓，望穿秋水等佢兩個爆冷W，一季流流長，一隻半隻梗會有，次數就唔慌多。

　　騎技好唔等同專贏熱門，正如郭能，身手唔會比韋潘二人遜色，鬥後勁、陣上位、騎功，以至步速操控，可謂瓣瓣掂，但命水唔利熱門，強求不了。事實上，佢客串至今3個多月，累積6冠5亞11季，絕大部分係冷門，熱門坐騎上名次數極少。

　　剛戰爆50倍喜喜精神

　　郭能曾勝6駒裏，賠率最熱係8倍「旗幟鮮明」，餘下5場頭馬全數在11倍或以上，年初三爆出50倍「喜喜精神」，則是最冷W。

　　睇埋郭能入Q那5次，只得「花月春風」係大熱門（4.5倍），其他4駒賠率分別係13倍、10倍、48倍和36倍。

　　此外，佢11席季軍之中，有4駒係廿倍樓上（10餘倍有兩駒），此為「超勝」、「叻先生」、「精嘜」、「金獅猛將」。

　　之所以，如何對待郭能熱門坐騎？就算唔使「絕交」，少沾手應該冇損失囉。