手執兩匹惡馬 高伯新雄霸經典盃

猪拉多纳

　　今日重頭戲自然係一級賽香港經典盃，一群4歲馬在1800米交手，如果跑入前三名，便可順利入選打吡大賽，故此，高分馬又好，爭緊分嘅都好，入到圍的話，唔使擔心冇得參與3月中正本戲。

　　今屆香港經典盃賽駒，部分已在之前4歲系列賽首關經典一哩賽鬥過，該場賽事由「大運財」勝出，今次加程而戰，有冇機會再贏？視乎13檔影響有幾大，以及賽事形勢，不過，眼見上場贏馬過程，比起前仗勝時又有進步，愈來愈有氣派，唔能夠唔重視。

　　至於高伯新另一匹參賽馬「事事為王」，同樣係爭標要角，初出走勢露晒光，在1400米後上獲季，如果唔係取位不智，有可能進一步威脅到頭二名。今場改跑1800米，路程更合發揮，希望今場騎師發揮醒醒定定，便有問鼎之力。

　　其他馬之中，「金秋」連輸兩場，隔晚獨贏捧到兩倍，位置一度低至1.0倍！票數多到冇人信，一定要睇實。另外，「蒜頭仔」今季未甩過Q，跑親都搏，鬥志夠堅。Jack