大有作為草地照爆

猪拉多纳

喺今個月2號擺馬房團年飯嘅葉楚航，嗰日諗住大舉出擊，結果有「佳音」同「錦繡河山」建功，但係唔夠兩倍嘅「大有作為」就搏失跑第二，搞到航哥唔可以大演帽子戲法。隔咗兩個星期，「大有作為」繼續搵返郭立基騎，但轉跑田草千八米，估唔到呢隻馬連草地都咁犀利，後上擊敗閘前落飛到大熱嘅「福譽」，基哥今鋪總算將功補過，幫航哥收復前失。
       
大有作為力壓福譽，首勝草地賽事。
航哥叫馬主買1W2P

不過，賽後葉楚航就講返雖然「大有作為」上鋪姍姍來遲，但佢就冇怪到郭立基，事關佢自己都做過騎師，完全明白呢隻馬係輸際遇，唔關鞍上人事，所以今次繼續畀返佢跑，航哥仲話「大有作為」 上季未成熟都係草地跑得近，今次轉場一啲都唔擔心，叫馬主可以買1W2P，結果真係一如航哥所料贏馬，眼光認真獨到。