楊明綸蛇年盃賽無敵

猪拉多纳

楊明綸開季無耐試閘墮馬受傷，休養咗成三個月先至復出，不過呢位後生仔好快搵返贏馬節奏，上兩個禮拜喺龍年送歲戰起個孖，連隨喺蛇年首戰策騎「蓬萊仙子」勇奪賀年盃，手風轉順咗唔少，所謂得勢不饒人，尋日同文家良隻「無敵」贏埋仁愛堂盃，直落三日有馬贏兼蛇年騎兩項盃賽全勝，近期認真威水。
       
無敵臨場落飛，輕鬆取勝。

賽後文生話匹馬日後集中喺泥地發展，今場之所以能夠贏馬，因為步速偏快合發揮，檔位又排得好，同埋孭116磅輕磅，有呢幾個有利因素集於一身，彈甩對手贏馬，表現出色。