悅璐孖寶飛數爆燈

猪拉多纳

　　今期係蛇年首次谷草賽事，喺B欄C彎舉行，睇隔晚飛，除咗頭場同第五場，其他場次嘅大熱門都幾穩陣，應該爆唔出咩樣。

　　怪飛馬一定要揀第六場「悅璐孖寶」，本來四點時，周某見到佢隔晚得6倍左右，已經想介紹呢匹，誰知寫寫吓，電算機再跳一跳，呢匹馬轉眼間得番2.2倍，做埋大熱門，位置仲要得一戙咁多，點可以唔揀？話說佢今季八戰，次次都有33倍及以上，冇一次惹飛，突然今次搖身一變做隔晚大熱門，唔通係因為上次跑第五，大家覺得佢有分在手，可以收復失地？睇嚟似係，都係跟番一注，免得走寶。

　　騎師王方面，潘頓韋達可能因為少坐騎，就算係熱門分子，都係咁好分，唔多似得，不如揀郭能，好少見佢得5.5倍，隨時連場搏殺。周仲