福建精神轉場搏

猪拉多纳

　　剛戰連場開冷，不是熱頭冷腳，便是冷頭熱腳，唯獨第七場「紅衣巨龍」搭「風花雪月」，連贏位僅派廿七元，雖然少得可憐，卻總算為熱門客贏番粒糖。事實上，早在報名表出爐一刻，賽前左計右計，以上兩駒都穩如鐵塔，除非有意外發生，否則連贏位十拿九穩。

　　賭博士想提出一點，就是眾人皆知「紅衣巨龍」與「風花雪月」勁不可擋，那麼其他馬房眼見強敵當前，豈敢太歲頭上動土？甚至令原擬出戰這場田草1200米之馬，都統統打消報名念頭。

　　明晚第五場的「薑餅人」，今季跑田草1200米成績彪炳，共獲兩冠一季一殿，牠剛戰有最佳出路不跑，卻寧願冒險渡江而戰，是否刻意避開兩匹強敵？賭博士也是估估吓。不過以「薑餅人」曾壓倒「龜兔競跑」的賽績計，轉來谷草作賽級數超然，一定砌盡。

　　另外，列陣尾場三班1200米的「福建精神」，上仗於田草1200米初嚐三甲滋味，既然跑得好，何解忽然又轉爭谷草？莫非又是怯於強手？無論如何，此駒既已露過一手，當然要繼續跟進。賭博士膽大心細，打算把此駒搭「薑餅人」買條獨贏二串三試試眼光。