環保戰士形勢大好

猪拉多纳

　　阿棟一向賭馬睇飛，但唔會係冷得滯唔敢買、熱得滯又嫌熱，因為呢種觀點猶如「屎坑點燈」。其實每匹馬在每一場賽事有自己個「價錢」，太高或太低水，唔係幾對路，呢方面唔到我哋唔留意，以及作為考慮因素。當然，如果遇上閣下愛駒，賠率冷熱不用拘泥。

　　第一場五班1650米。「華倫天奴」轉到薛達志馬房終於識上名，6歲馬未必係被完全養回，可能降至五班，找到反彈點。

　　華倫天奴排檔勝前

　　「華倫天奴」今場對手與上賽冇大分別，而匹馬排檔較上場好，希望唔使再蝕得多腳程，隔晚賠率唔算熱，7倍W、兩倍半位置，呢個水位可以接受。

　　第七場三班1650米。「綫路明星」銳得好交關，已經連續搏了3場，賽績在此場無出其右。而更值得重視係呢匹馬1月進度才開始起飛，唔係喺季初，對於體力方面，唔使太擔心走樣呢個問題。而睇賽前嗰手準備，告東尼大有用盡一時之意，再追。

　　第八場三班1200米。「環保戰士」較早前田草冇啖好食，轉戰泥地賽一樣冇運行，叻極第四！

　　上名水準高

　　反而，此駒改跑谷草短途，扭轉了在三班弱勢，能夠一再上名，已經係最好證明。若然呢匹霍廐馬唔係突然冇影，以之前上名水準，試問今場邊度搵到隻「強風駿馬」撼佢。