命裏有時終須有

猪拉多纳

　　我們可以追求，而不可強求，放諸任何事皆如是觀。即係話謀事在人，成事點都要由個天揸弗。命運唔係唔喺自己手，有時真係可以掌管大權，可是世情難料，唔係甚麼也在掌握之中，兒時有首歌，節錄其中兩句：「命裏有時終須有，命裏無時莫強求。」

　　賽馬世界有好多事如此，譬如明明賽前睇落唔多掂，但在沒有任何聲色之下，「嘭」一聲爆出嚟。以最近99倍大冷W「魅力知己」及「好健康」作例子，若果唔係毫無信心，冇理由「一滴飛」都冇！尤其前駒，來自蔡約翰馬房，賽前稍為有點「風聲」，獨贏都唔會得廿幾萬啩？！

　　又例如剛賽兩場頭馬「按一按」及「橫掃千軍」，賽前唔係冇憂慮，前駒來自一對白果組合（呂薛配上季起8匹合作馬無一跑入前五名），後駒配搭冇問題，但未跑呢場之前，三季以來例冇兩劑。

　　菠菜講運

　　賽前審慎評估係減少出錯、增加勝算、慳番無謂注碼，說到尾，菠菜講運，就算唔係七分運氣、三分技術，亦唔可能運氣只佔幾個巴仙。總之，賽前做好自己本分，計清楚、刨多啲，勝負咪由天定囉。