錦繡河山無懼升班

猪拉多纳

　　第九場三班1000米。「佳音」上賽前曾經說過，帶有新嫩之感，但見加眼罩後，試閘走勢有所改善。而落到場跑，唔見得完全變乖，早段難留、走勢不穩、出腳唔順等等，統統有齊，不過，質高搭夠，牠跑至最後300米透出，自此後再冇對手埋到身，按韁贏兩個身位，姿態極之輕鬆，締速慢自然唔使介意。

　　名義上，四升三班換了另一批對手，實情望真同場賽駒，只得兩匹季內曾勝三班此程，升班壓力唔係想像般大，而負磅大減及排在有利檔位，令其處境比上賽更好。何況，今季葉廐新勝馬再出如配潘頓，成績好到不得了（6駒獲3W1Q），膽材。

　　第十場三班1400米。「錦繡河山」前仗初出未夠水準，輸唔遠畀「神聖火炬」，已經證明自己唔簡單。上賽在沿路三叠望空之下，雖受惠慢步速，末段可以拋開對手輕勝，顯示出增程後威力倍升。

　　其實此馬情況與第九場廐侶冇分別，遇上一組三班不強對手（又係僅兩駒今季贏過班內此程），只要本身進度及體力上冇走樣，再贏。