形勢造就馬得利

猪拉多纳

　　早陣子方嘉柏馬房係威係勢，一度力壓群雄群高踞榜首，可惜自上月二十日勝出「喜競寶寶」之後，此倉連捧五日光蛋。照局勢分析，莫非方廐馬經早前一輪急攻，現評分漸已紛紛見頂？

　　如今蔡約翰與告東尼已相繼越過方嘉柏，幸好後者僅落後三場頭馬，為免讓對手拋甩，方嘉柏定要急起直追，否則大局一成，便恨錯難返。今次賽事，回師方廐馬最擅長的谷草作戰，此倉全晚七路興兵，能否一晚之內來個「超東趕蔡」？我認為不無機會。

　　第二場「馬得利」近兩仗排劣檔亦企圖監生吞，幕後自視之高可見一斑。尤其要留意剛戰，首度增程跑谷草1650米，一條直路見牠後上如箭，最終跑梗頸四飲恨，可當作試馬。柏寶汲取了是役經驗，今次發揮理應有所改善，同場有「輕越直前」和「創新高」搶前，形勢造就下可勝也！

　　另外，第五場「龍華太旨」近仗於田草1400米已有好走勢，上仗轉爭泥地，可惜效果未如理想。今次轉至谷草上陣，縮程出爭1200米，路程無疑合適得多，從未用過之質新馬，應可助馬房在現階段搶胡！