龍華太旨換人有「基」

猪拉多纳

　　本欄昨日講開潘頓，指他受惠於韋達停賽，今晚強手遠去下，遂形成一人獨大局面。事實上，是夜潘頓出馬幾乎爆棚，先別說贏馬，就算每場僅跑位置，炒炒埋埋也夠一碟，騎師王理應非佢莫屬。

　　不過，賭博士卻發現當中有些奇怪，就是潘頓今晚騎七駒，唯獨第四場高掛免戰牌，再細心研究，方廐「龍華太旨」近仗由他騎開，怎麼今次竟改配郭立基呢？究竟是馬主提議？抑或是方嘉柏意思？局外人自然難知答案。如按常理推測，此駒季內六戰毫無表現，換人轉一轉手風，誠是合理舉動。既然幕後求變，證明有圖強決心，我認為「龍華太旨」排四檔，今鋪必把握機會砌盡，搵郭立基操刀，無非貪客串騎師鬥志高，這匹處女馬可看高一線。

　　再講頭場伍廐「彪形好漢」，按賽績顯示，谷草1650米乃此駒的最佳出路，今仗牠久休復出，角逐1200米看似志在熱身。但其實此駒早在本月六日也曾經報跑五班谷草1200米，可惜當時列為後備。事隔三周，幕後再安排「彪形好漢」向同程進軍，擺明車馬有的放矢，此駒唞唞埋埋縮程一擊，未可輕侮也！賭博士