鄭俊偉緊張匯聚力量

猪拉多纳

　　鄭俊偉馬房傳出搏殺消息，馬房中人指第六場「真寶馬」及第十場「匯聚力量」值得優先留意。前駒上仗跑1200米後上甚勁，只因排檔欠佳而未能上名，今排中檔形勢較為有利，馬已試準，會有進步演出。「匯聚力量」則在來港之初水土不服，毛色欠佳，所以陣上未能交出水準，但近期已適應了新環境，食慾轉趨旺盛，毛色變得深潤，鄭俊偉亦對牠特別緊張，經常跟出跟入，連照燈及游水也在旁監督。「匯聚力量」今番有備而來，負磅輕，有力出冷。

　　姚本輝馬房的「崇山寶」是1000米直路賽好手，可惜近兩仗未能交出應有水準，主要是因為前仗氣管多血，狀態一時未能恢復，但經過兩個月休戰，健康已回復正常，近期躁火亦收斂許多，早課快慢由人，狀態回復水準，今次再跑直路賽，負磅不重，出馬少有利其爭勝。

　　姚第四場的「得掂」亦值得留意，此駒今仗由杜利萊執韁，配搭十分理想。騎者為此駒而推騎鄭的「勁加勁」，可見睇好。馬房中人指出，「得掂」上仗已有進步演出，起步雖慢，但追勁甚強，只是1400米路程嫌稍短才未能上名，拼後操練工夫加強，除了正常操練外，下午再於馬房地堂拍踱加強運動量，馬已收身上力，今次加程跑1600米合腳法，可以睇高多少。