大摩玩雙頭馬車

猪拉多纳

　　上期講到大摩與柏寶，忽然多了合作，點知事隔一周，今期摩柏組合即刻冇交易，發生咩事唔多清楚，只知最終益咗韋達及潘頓，今日二人瓜分唔少摩家軍，當中唔少係好有贏面。

　　之前葉楚航頻頻以此種雙頭馬車方式出擊，冇話大細超，韋達與潘頓待遇同等，就如24/3那期田戰，前者贏「夢仙」，後者贏「各適其適」，總之人人有份，有着良性競爭效用。

　　到底大摩施以同樣戰術，今日可唔可以大豐收？以數量而言，韋達手上有4匹摩廐馬、潘頓3匹，前者似稍勝一籌，講到爭勝機會其實差不多。

　　第七場1200米泥地「醒目精伶」初試啼聲即勝，三班唔會留得住，今次又再轉場，抱着甚麼心態？撞撞吓？未敢肯定，引得潘頓出手，冇理由係次貨。

　　第九場1200米泥地「小宇宙」今仗連搏多場未勝，以摩廐一貫作風，一日未交代，都唔會咁易放棄，熱人騎熱馬，信心有增無減。Jack