愛寶駒呂卓賢第一盃

猪拉多纳

現役只得呂卓賢同吳嘉晉兩位見習生，佢地尋日咁啱都有溫拿，仲要係雙雙殺低韋達贏馬，演出都算有晒交代。兩位小將之中，呂卓賢近排個勢都好勁，除咗有師傅姚本輝提供實力坐騎之外，仲有蔡約翰呢條大水喉射住，繼早前「勁高手」之後，尋日又憑「愛寶駒」掄元，第一次喺錦標賽場合揚威，捧走獅威啤酒挑戰盃。
       
呂卓賢

馬主盧楚鏘上個禮拜隻「喜寶駒」落飛搏失，今次卒之輪到「愛寶駒」半冷補中。馬主盧話隻馬性能廣泛，不過始終跑泥地最耍家，好可惜近期已經再無高班泥地短途賽，加上隻馬今季跑得多，要睇下蔡約翰點樣部署。