各方苛刻些路迪唔敢懶

猪拉多纳

雖然喺蘇超榜首領先緊15分，但些路迪一隊獨大下，領隊連儂近期都備受壓力，你話呢個係咩世界！些路迪歐聯出局後，後防頻頻遊魂失波多，連儂受到唔少批評，有咩辦法可以塞住人把口？梗係keep住贏啦，今晚蘇足盃4強，一於捧佢哋炒起登地聯！
贏少啲都畀人鬧

連儂個人心直口快，不嬲容易得罪人，人哋梗係對你苛刻。好彩些路迪真係勁超班，上場專心番即贈喜伯年3蛋。呢場雖然喺中立場踢，但登地聯首席射手莊尼羅素缺陣，些路迪又點止贏一粒呀！（周日晚7時45分開賽）