足智彩唱反調睇好森多

猪拉多纳

今日繼續喺《蠱蠱惑惑》同大家見面，曾經有一位朋友問「四眼哥」嘅揀波方法係唔係次次都靈，「四眼哥」諗都唔諗就答佢：「你都黐線！次次靈我仲使寫稿寫到半夜三更？」不過，賭波應該講求信念，而且賠率比較喺揀波嚟講都算有根有據，大家不妨參考參考。

大幅調低客W賠率

周日足智彩開咗57場盤，「四眼哥」睇啱場意甲熱拿亞對森多利亞，兩隊都係中下游球隊，其中熱拿亞今季令支持者失望，賽前排喺尾二，護級形勢非常嚴峻，刻薄啲講同等死真係冇乜太大分別。不過，相信歐莊考慮到兩隊近況同樣不濟，熱拿亞佔主場之利同時，兩隊對賽近績又傾向主隊，熱拿亞近3次主場對森多利亞贏晒，所以大部分歐莊開嘅主W都熱過排名較高嘅森多利亞。

但係足智彩開嘅主W比William Hill同Ladbrokes呢啲歐洲大莊都要好分，除非係想為行家大開方便之門，如果唔係就係睇死主隊W唔出。因為足智彩亦大幅調低客W，而且都幾狠o架，「四眼哥」會照跟捧讓球平手高水嘅客軍，唔嫌熱就玩受讓嘅1.48倍「讓球客勝」啦！下星期見。
岡薩多半格照殺

雖然客軍德島漩渦上場三連勝走勢斷纜，1:2輸咗畀長崎成功丸，但論今季嘅演出，依然遠較開季以嚟7戰得2勝5負嘅札幌岡薩多似樣得多！呢點從兩隊喺積分榜嘅排名反映晒出嚟，難怪歐莊嘅客W都偏熱。但足智彩反而調低主W，操盤手對賽事似有不同睇法，大家不妨考慮一下受讓平半嘅主隊，半格都照殺！