威老虎踏浪而來

猪拉多纳

　　馬匹改動配備，幕後用意必然向好，都是希望試出彩虹，爭取理想成績。故不少馬迷均特別注意馬匹的配備轉換，有的甚至視之為出擊信號！

　　賭博士發現，今晚角逐頭場的「威老虎」除去羊毛面箍，配備改動後，馬兒可能即時由蟲變龍？賽前當然一味靠估，但回看此駒服役至今，曾有兩次更改配備，上季牠初次綁脷帶即跑第三；今季牠首度戴羊毛面箍，更拼入一席Q腳。從實績所見，「威老虎」凡是改動配備，成績總會好一些，莫非此舉能令馬兒提升競賽新鮮感，最終交出進步演出？雖然答案可能只得賀賢知曉，但賭博士見「威老虎」隔晚有半冷分頭，既然回報合理已有可博價值，一於小注試試。

　　再講第八場的「踏浪而來」，上季三戰獲冠季各一，贏馬之役正是跑谷草1650米，今季牠屢戰屢敗，評分隨之拾級而下，現比勝時還低11分，計條件可謂着數到暈。又睇睇此駒的配備，過往牠兩次上名俱是輕裝出賽，並無任何配備輔助，但今仗牠除開縫眼罩之餘，亦再由贏馬功臣楊明綸操刀跑曾勝的谷草1650米。觀乎幕後部署，肯定來者不善！賭博士