韋根季尾惡慣受讓抵玩

猪拉多纳

如果球季只踢一個月，相信韋根唔係護級分子，爭標都要預埋佢哋！呢班波唔見棺材唔流眼淚，周時去到季尾先發力狂追，近六場聯賽勁搶十分，氣勢強勁。細鬼特別欣賞佢哋作客表現，自去年尾計起，只輸過畀車仔同曼城，今輪韋根作客韋斯咸，受讓值博！

（有線304台周六晚10時直播）

入得足總盃決賽，韋根的確唔係人咁品，前線干尼、迪山度、包爾斯亞同馬隆尼合作得絲絲入扣，打出悅目嘅進攻足球，可以話係有姿勢有實際，上場去到曼城主場，佢哋失波前起碼有三個入波機會，把握力好啲的話，其實應該攞到分。依家韋根狀態一流，等閒球隊唔易贏佢哋。
韋斯咸位處中游無欲無求

韋斯咸近況都唔曳，上仗鬥曼聯兩番領先，前鋒安祖卡路爾愈來愈入局，搞到紅魔鬼唔見兩分。但呢班波比較啱打下風波，受讓就話抵買，但讓波就唔睇好，今戰揀「讓球客勝」啱數。另外，韋斯咸呢類季尾中游隊戰意往往成疑，韋根亦有攻力，可以吼埋大盤。