薩拉戈薩切爾達護級大逃亡

猪拉多纳

今晚球賽唔多，阿King對西甲獨腳戲切爾達主場迎戰薩拉戈薩最有心水，兩軍依家於降班邊緣苦苦掙扎，為咗留番喺甲組，呢場「六分波」一定火力全開搏甩髀，勢必合演大龍鳳，在勝負難料下，首選大盤。

（now 632周二凌晨4時直播）

甘堡爾乘勝追擊安曼

睇番榜尾形勢，聯賽剩番七輪，薩拉戈薩只係領先包尾的切爾達三分，與前面的馬略卡、拉科等積分差距好小，護級尚未絕望，因此面對護級勁敵，今場唔搏等幾時？

切爾達前線有貝美祖、高恩迪利、朴主永可用，中場有奧古士圖費南迪斯及奧賓拿穿針引線，加上呢班波勁有韌力，之前於主場2比2逼和「地上最強」巴塞，證明切爾達一發力唔講得笑，不過薩拉戈薩的葡萄牙射手普斯迪加近況有起色，為搶分作客照攻，呢場捧大盤好過。

荷乙甘堡爾作客安曼，甘軍已經連贏四場，射手馬田巴圖腳風超順，帶領球隊唔聲唔聲殺上次席，氣勢如虹，加上近六次對安曼贏五次，擺明係格食格，贏波冇難度。最後蘇超喜伯年主場對鴨巴甸，喜軍球員已心繫蘇足盃決賽，呢場例行公事定必hea踢，況且近年主場甚少贏鴨軍，有得受讓都咪掂，一於揀鴨軍客W。